Femafuti ɲεmɔgɔ sugandili kalata kεra kunun tarata utikalo tile 29 san 2023, Bamakɔ lajεkεsoba CICB la. A ma kε balanako ye, sabula tɔgɔsεbεn kelen dɔrɔn de tun bε yen, kalata bε kε min tɔgɔ la. O ɲεmɔgɔ ye Mamutu Ture « Bawuye » ye. A ye sebaaya sɔrɔ ; kalatala 63 la, 61 y’u kan di a ma k’u ka dannaya da a kan kokura.
Bawuye bε kaso la kabini utialo tile 9 san 2023. O la, a tun tε kεnε kan ; nka o ma kalata bali ka kε a n’a nɔfεmɔgɔw tɔgɔ la. Kulukɔrɔ, Tumutu ani Kidali maraw ka ligiw, ka fara tɔn naani kan (COB, Tumutu Aweniri, Kidali Atari kulɔbu ani Buru Masa, olu kɔni ma ye kεnε kan.
O ligiw ni tɔnw tun bε k’u ka dannaya da Salaha Babi de kan ; nka sɔn ma kε o ka jɔyɔrɔ ɲininsεbεn na. Kayi, Sikaso, Segu, Moti, Gawo ani Bamakɔ ligiw, ka fara AS Bakarijan, Sitadimaliyεn, Ereyali, Ɔnzukereyatεri, AS Polisi, Joliba, Usfas, USC Kita, US Bugunin, AS Badalabugu Bilaki sitari, Afiriki futuboli eliti (AFE), Binga FC, ASIKO, US Buguba, Arisenali talan sipɔri (ATS), Kucala AS Alesɔn, Segu (ASAC), Simbo FC, Gawo Soni, Manden AS Geriye ani Moti AS Sabana, olu de tun bε kεnε kan.
Farikoloɲεnajε jεkulu saba wεrε ka cidenw tun bε yen ; i n’a fɔ (Unafom), farikoloɲεnajε kεnεyako jεkulu ani (AMEFOOT). Fεn min ye kala tali ye, cogoya saba de dajira cidenw na : karitɔn nugujima ye « awɔ » ye, karitɔn bilenman ye « ayi » ye, karitɔn bulaman ye sɔminε ye. Ligi fεn o fεn kofɔlen don, o bεε ka ciden saba-saba ye kala ta.
Kulɔbu minnu bε sigidama 1 ni 2 la olu ka mɔgɔ fila-fila dara u kan kalata la k’a laban ni farikoloɲεnajε kunkan jεkulu saba in ka mɔgɔ kelen-kelen ye. Lakananbaaw tun ka ca yɔrɔ la kosεbε ka basigi sabati ; o de la mankan ma kε. Nka sanni kalata ka daminε, FIFA ka ciden Ogusitεn Sεngɔri, « CAF » ɲεmɔgɔba dankan fɔlɔ ni Sεnεgali ntolantan tɔnba ɲεmɔgɔ fana don Ɛlihaji Wɔki Jɔpu, Afiriki tilebinyanfan tɔgɔ la, FIFA biro min bε Dakaro, Sεnεgali, o ɲεmɔgɔba Harasi ani FIFA marako ɲεmɔgɔ Madamu Sara Mukuna, tɔn minnu bε « CAF » kɔnɔ olu ka ɲεmɔgɔ Zanzaki Jεni, olu jirala jama na.
Kalata in lajε daminε an’a datuguli ɲεmɔgɔya tun bε Mali farikoloɲεnajε n’a farifoni ɲεmɔgɔba Abudulu Azizi Mayiga bolo. Bulonba ɲεmɔgɔba dankan 6nan Hamidu Tarawele ani komite olεnpiki ka ciden Abudulayi Kulubali tun bε yen. Femafuti ɲεmɔgɔjεkulu bεna lajε fɔlɔ min kε, o ɲεsinnen b’u ka biro sigili ma. U mana bεn mɔgɔ min kan ɲεmɔgɔ dankanya la, o tigi de bε Mamutu Ture « Bawuye » jɔyɔrɔ fa fɔlɔ.
Dɔkala Yusufu JARA
Le Djoliba AC maintient le cap. Les Rouges ont prolongé leur série de victoires (3 succès d’affilée) en dominant sur le fil l’ASKO (1-0), dimanche dernier au stade Ouezzin Coulibaly pour le compte du match en retard de la 13è journée..
Le coup d’envoi du 1er championnat national de handball à l’école a été donné dimanche dernier, au Palais des pionniers, à Magnambougou (Commune VI du District de Bamako). La compétition qui met aux prises 12 équipes (6 masculines et 6 féminines) se poursuivra jusqu’au 1er avril, date.
Le Mali et la Russie s’affrontent en match amical cet après-midi (17h GMT) au stade Gazprom Arena de Saint-Pétersbourg..
Le ministre de la Jeunesse et des Sports chargé de l’Instruction civique et de la Construction citoyenne, Abdoul Kassim Ibrahim Fomba a animé hier au Palais des pionniers sa traditionnelle conférence de presse mensuelle..
La finale de la 14è édition du championnat national, remportée 119-115, jeudi dernier, par l’équipe de Néhémie face à Babembabougou de Sikasso, restera comme l’une des plus relevées de l’histoire de la compétition.
Le Conseil général électif de la Fédération malienne de handball (FMHB) est prévu le 11 avril à Bamako. Le président sortant, le commissaire-colonel Cheick Mamadou Chérif Tounkara, a officiellement déclaré sa candidature, jeudi dernier, lors d’une conférence de presse, tenue au siège .
